რუსების მიერ კიევის დაბომბვის შედეგად დაშავებულთა რაოდენობა 51-მდე გაიზარდა, - ამის შესახებ ინფორმაციას კიევის საქალაქო-სამხედრო ადმინისტრაცია ავრცელებს.

სამედიცინო დახმარების სამსახურის ცნობით, ამ დროისთვის დაშვებულთა რაოდენობა 51-ია, რომელთაგან 6 ბავშვია. დაშავებულთა შორის ყველაზე უფროსი 80 წლის, ხოლო ყველაზე უმცროსი 5 წლის არის.

დესნიანსკის რაიონში ცეცხლი ცხრასართულიანი კორპუსის მე-7 სართულსა და შენობის ეზოში მყოფ 8 მანქანას გაუჩნდა, რის შემდეგაც იქ მცხოვრებთა ევაკუაცია განხორციელდა. საცხოვრებელი კორპუსიდან 17 ადამიანი გამოიყვანეს, მათ შორის 7 ბავშვია.

ადგილზე წითელი ჯვარი მუშაობს, დაშავებულებს სამედიცინო და ფსიქოლოგიურ დახმარებას უწევენ.

დაღუპულების შესახებ ინფორმაცია ჯერჯერობით არ ვრცელდება.