საქართველოს პროფკავშირების გაერთიანების თავმჯდომარე, ირაკლი პეტრიაშვილი საზოგადოებას ევროკავშირის წევრობის კანდიდატის სტატუსის მინიჭებას ულოცავს.

პეტრიაშვილი ევროპული საბჭოს გადაწყვეტილებას, საქართველოსთვის ევროკავშირის წევრობის კანდიდატის სტატუსის მინიჭებასთან დაკავშირებით, ბრიუსელიდან ეხმაურება და ევროკავშირის გადაწყვეტილებას ისტორიულ დღეს უწოდებს.

,,ვულოცავ ყველას ამ ისტორიულ დღეს და გაწევრიანების გზის მალე გავლას ვუსურვებ ჩვენს ქვეყანას. დარწმუნებული ვარ, თუ ყველას ექნება სახელმწიფოებრივი თვითშეგნება და პასუხისმგებლობა გასაკეთებელ საქმესთან თუ უბრალოდ გამონათქვამებთან დაკავშირებითაც კი, ამ გზას მალე გავივლით და სრულფასოვნად გავხდებით ევროკავშირის წევრი სახელწიფო!" - აცხადებს ირაკლი პეტრიაშვილი.