ორბანმა უკრაინასთან მოლაპარაკებების დაწყების გადაწყვეტილებაზე ვეტო არ გამოიყენა და ამას პატივს ვცემ. ამის შესახებ ირლანდიის პრემიერ-მინისტრმა ლეო ვარადკარმა განაცხადა.

“ორბანი ამ გადაწყვეტილებას არ ეთანხმება, და თავის აზრს არ იცვლის. მაგრამ მან გადაწყვიტა ვეტოს ძალა არ გამოიყენოს, ვინაიდან, ნებისმიერ ქვეყანას შეუძლია გაწევრიანების შესახებ მოლაპარაკებების დაბლოკვა. მან მიიღო გადაწყვეტილება ეს არ გაეკეთებინა, და პატივს ვცემ, რომ ეს არ ქნა. წინააღმდეგ შემთხვევაში ის ჩვენ, როგორც ევროკავშირს, ძალიან რთულ მდგომარეობაში ჩაგვაყენებდა. ეს გადაწყვეტილება მივიღეთ, და უნგრეთმა გადაწყვიტა ის არ დაებლოკა”, - განაცხადა ვარადკარმა.

ამავდროულად, ირლანდიის პრემიერ-მინისტრმა აღნიშნა, რომ “გადაწყვეტილება უფრო სწრაფად იქნა მიღებული, ვიდრე ველოდით”.

“ეს დიდი გეოპოლიტიკური მესიჯია, არა მხოლოდ მოსკოვისთვის, არამედ მთელი მსოფლიოსთვის. და როდესაც ევროკავშირი ამბობს, რომ დემოკრატიას იცავს - ამას ვაკეთებთ, და როდესაც ვამბობთ, რომ უკრაინასთან იმდენ ხანს ვიქნებით, რამდენიც საჭირო იქნება - ამას ვგულისხმობთ”, - განაცხადა ვარადკარმა.