საქართველოს კანდიდატის სტატუსის მინიჭებას ვულოცავ, - ამის შესახებ ჩეხეთის პრემიერ-მინისტრმა, პეტრ ფიალამ განაცხადა.

„ვულოცავ უკრაინას, მოლდოვასა და ბოსნია-ჰერცეგოვინას ევროკავშირთან გაწევრიანების შესახებ მოლაპარაკებების გახსნას, საქართველოს კი კანდიდატის სტატუსის მინიჭებას. მოხარული ვარ, რომ ჩვენ ამ ქვეყნებს მათი ევროპული მომავლის ნათელი პერსპექტივა ვაჩვენეთ“, - წერს პეტრ ფიალა X-ზე (ყოფილი „ტვიტერი“).

დღეს, ევროპულმა საბჭომ საქართველოს კანდიდატის სტატუსი მიანიჭა. ამასთან, ევროპულმა საბჭომ მიიღო გადაწყვეტილება, უკრაინასა და მოლდოვასთან გაწევრიანების მოლაპარაკებების გახსნის შესახებ.