ირაკლი კობახიძე - ჩვენ ხმამაღლა ვაცხადებდით, რომ ვგულშემატკივრობდით, როგორც უკრაინას, ასევე მოლდოვას - ჩვენთვის მნიშვნელოვანი იყო ამ ქვეყნების წინსვლა ევროინტეგრაციის გზაზე
„ქართული ოცნების“ თავმჯდომარემ, ირაკლი კობახიძემ უკრაინასა და მოლდოვას ევროკავშირში გაწევრიანებასთან დაკავშირებით მოლაპარაკებების გახსნა მიულოცა.
როგორც კობახიძემ ჟურნალისტებთან საუბრისას განაცხადა, მათთვის მნიშვნელოვანი იყო ამ ქვეყნების წარმატება ევროინტეგრაციის გზაზე.
„ჩვენ ხმამაღლა ვაცხადებდით, რომ ვგულშემატკივრობდით, როგორც უკრაინას, ასევე მოლდოვას. ჩვენთვის მნიშვნელოვანი იყო ამ ქვეყნების წინსვლა ევროინტეგრაციის გზაზე. მოხარული ვართ, რა თქმა უნდა, რომ მოლაპარაკებები გაიხსნა, როგორც უკრაინისთვის, ასევე მოლდოვისთვის. ვულოცავთ უკრაინელ და მოლდოველ ხალხს ამ ძალიან მნიშვნელოვან წარმატებას და იმედი გვაქვს, რომ უკრაინა და მოლდოვა ასევე, მალე გახდებიან ევროკავშირის წევრები“,- განაცხადა კობახიძემ.
