გორის მუნიციპალიტეტის მერმა, ვლადიმერ ხინჩეგაშვილმა ქალაქის მთავარი საახალწლო ნაძვის ხე პატარებთან ერთად აანთო. ინფორმაციას გორის მერია ავრცელებს.

მათივე ცნობით, მერთან ერთად, ნაძვის ხის ანთებას გორის მუნიციპალიტეტის საკრებულოს თავმჯდომარე დავით რაზმაძე და ადგილობრივი ხელისუფლების სხვა წარმომადგენლები ესწრებოდნენ.

„გორის მთავარი ნაძვის ხის ანთებამდე, პატარების საახალწლო განწყობაზე „გორის გოგონათა გუნდმა“, “K DANCE STUDIO”-ის მოცეკვეებმა და გასართობმა ცენტრმა “HAPPY DAYS”-ის ანომატორებმა იზრუნეს.

ნაძვის ხის მიმდებარედ მოეწყო ატრაქციონებიც, რომლებიც პატარებს სადღესასწაულო დღეების დასრულებამდე მოემსახურება.

გორი წელს განსაკუთრებით ლამაზადაა მორთული. გარდა ცენტრალური მოედნისა, საახალწლო ილუმინაციები განთავსებულია თეატრის სკვერშიც, რომლებიც საქართველო პრემიერ-მინისტრის გადაწყვეტილებით, მუნიციპალიტეტს საჩუქრად გადმოეცა,“ - აღნიშნულია ინფორმაციაში.