აშშ-ის ცენტრალური სადაზვერვო სააგენტოს დირექტორი კატარის პრემიერ-მინისტრსა და „მოსადის“ ხელმძღვანელს შეხვდება. ამის შესახებ ინფორმაციას გამოცემა Axios-ი ოფიციალურ წყაროებზე დაყრდნობით ავრცელებს.

Axios-ის ცნობით, დღეს, პოლონეთის დედაქალაქ ვარშავაში, აშშ-ის ცენტრალური სადაზვერვო სააგენტოს (CIA) დირექტორი, ბილ ბერნსი კატარის პრემიერ-მინისტრს, შეიხ მუჰამედ ბინ აბდულრაჰმან ალ ტანსა და ისრაელის სადაზვერვო სააგენტოს „მოსადის“ ხელმძღვანელს, დავიდ ბარნეას შეხვდება.

ვარშავაში გასამართ მოლაპარაკებებზე მხარეები „ჰამასის“ მიერ დაკავებული ტყვეების გათავისუფლების შესახებ ახალ შეთანხმებას განიხილავენ.