2024 წლის 1-ელ თებერვალს ევროპული საბჭოს სპეციალური სამიტი გაიმართება, - ამის შესახებ ევროპული საბჭოს პრეზიდენტმა, შარლ მიშელმა ბრიუსელში გამართულ პრესკონფერენციაზე განაცხადა.

ევროპული საბჭოს პრეზიდენტმა განაცხადა, რომ 1-ელ თებერვალს გასამართ სამიტზე ევროკავშირის ლიდერები ევროკავშირის ბიუჯეტის შუალედური გადასინჯვის, მათ შორის უკრაინის დაფინანსების საკითხს განიხილავენ.

შეგახსენებთ, რომ გასულ კვირას, უნგრეთმა უკრაინისთვის 50 მილიარდი ევროს გამოყოფა დაბლოკა.