ბათუმის საკრებულოში, ქალაქის მერმა არჩილ ჩიქოვანმა მიმდინარე წლის ანგარიში წარადგინა. დღესვე საკრებულო მომავალი წლის ბიუჯეტს კენჭს უყრიან.

როგორც მმართველ გუნდში აღნიშნეს, 2024 წლის ბიუჯეტი 382 მილიონი ლარით განისაზღვრა.

მმართველი გუნდის ინფორმაციით, ბიუჯეტი ხალხზე მორგებულია და პრიორიტეტები ჯანდაცვის, სოციალური და სხვადასხვა მნიშვნელოვანი პროექტისკენ იქნება მიმართული.

ოპოზიციის განცხადებით, ბიუჯეტის პროექტს მხარს არ დაუჭერენ.

როგორც „ერთიან ნაციონალურ მოძრაობაში” აღნიშნეს, ოპოზიციის მიერ წარდგენილი არცერთი პროექტი ბიუჯეტში გათვალისწინებული არ არის. ოპოზიციას მიაჩნია, რომ ქალაქის ბიუჯეტი “ქართული ოცნების” ჩინოვნიკებზეა მორგებული.