საქართველოს სავაჭრო პალატის პრეზიდენტმა, გიორგი პერტაიამ ინდონეზიის ელჩს საქართველოში არიეფ მუჰამედ ბასალამას უმასპინძლა.

როგორც სავაჭრო პალატის მიერ გავრცელებულ ინფორმაციაშია ნათქვამი, შეხვედრისას მხარეებმა იმსჯელეს ორ ქვეყანას შორის თანამშრომლობის გაღრმავებაზე, ექსპორტ-იმპორტისა და საქართველოსა და ინდონეზიაში ერთობლივი ბიზნეს ფორუმების გამართვის საკითხებზე.

„მხარეებმა, ასევე განიხილეს ორი ქვეყნის საინვესტიციო პოტენციალი და სამომავლო, მჭიდრო თანამშრომლობის პერსპექტივები. შეხვედრას, ინდონეზიის საპატიო კონსული საქართველოში გიორგი სვანიძე,

თბილისის გაფართოების ოფისის უფროსი და მინისტრის მრჩეველი ეკონომიკურ საკითხებში, ტორანგ პაკპაჰანუ და ატაშე პროტოკოლისა და საკონსულო საქმეთა/ საინფორმაციო და სოციალურ -კულტურულ საკითხებში, მონიტა მაულიდა პურბა ესწრებოდნენ”, - ნათქვამია ინფორმაციაში.