მივმართავ სახალხო დამცველს, შეისწავლოს და შეაფასოს „ლიბერთი ბანკის“ მხრიდან საქართველოში ყველაზე მოწყვლადი ჯგუფების წარმომადგენლების - პენსიონერების, შშმ პირების დევნილებისა და მარჩენალდაკარგულების უფლებების დარღვევის მასშტაბი, - ამის შესახებ პარტია „სტრატეგია აღმაშენებლის“ სოციალური მიმართულების ხელმძღვანელმა, თეონა ჭალიძემ განაცხადა.

ამასთან, „სტრატეგია აღმაშენებლის“ პრესსამსახურის ცნობით, მან წერილობითი მოთხოვნა სახალხო დამცველის აპარატში ჩააბარა.

ჭალიძის თქმით, პენსია და სხვა სოციალური გასაცემლები ადრესატამდე სრულად არ მიდის, რაც ლიბერთი ბანკის მანიპულაციების შედეგია.

„მივმართავ სახალხო დამცველს შეისწავლოს და შეაფასოს „ლიბერთი ბანკის“ მხრიდან საქართველოში ყველაზე მოწყვლადი ჯგუფების წარმომადგენლების - პენსიონერების, შშმ პირების დევნილებისა და მარჩენალდაკარგულების უფლებების დარღვევის მასშტაბი, თუ როგორ გამოიყენა მონსტრმა ფინანსურმა კომპანიამ ადამიანების მოწყვლადობა თავის სასარგებლოდ, როგორ და რა ხერხებით შეამცირა ისედაც გაჭირვებული ხალხის ქონება და გაზარდა თავის ქონება.

უკვე წლებია სახელმწიფო ბიუჯეტიდან პენსია და სოციალური გასაცემლები ადრესატებამდე სრულად აღარ მიდის სწორედ ლიბერთი ბანკის მანიპულაციების წყალობით და ამ საკითხის მიყურადება დიდი უსამართლობაა“, - განაცხადა ჭალიძემ.

აღნიშნულ ინფორმაციას „სტრატეგია აღმაშენებელი“ ავრცელებს.