ისრაელსა და „ჰამასს“ შორის კონფლიქტი “ნაკლები ინტენსიურობის ფაზაში” უნდა გადავიდეს. ამის შესახებ აშშ-ის სახელმწიფო მდივანმა ენტონი ბლინკენმა განაცხადა.

“ნათელია, რომ კონფლიქტი უნდა გადავიდეს - გადავა - ნაკლები ინტენსიურობის ფაზაში. ველით, რომ ვნახავთ და გვინდა ვნახოთ უფრო მიზნობრივ ოპერაციებზე გადასვლა, ძალების ნაკლები რაოდენობით, რომლებიც რეალურად ფოკუსირებული არიან „ჰამასის“ ხელმძღვანელობასთან, გვირაბების ქსელთან და რამდენიმე სხვა რამესთან გამკლავებაზე… როგორც კი ეს მოხდება, დაინახავთ, რომ სამოქალაქო პირებისადმი მიყენებული ზიანი მნიშვნელოვნად დაიკლებს”, - განაცხადა ბლინკენმა.

აშშ-ის სახელმწიფო მდივანმა აღნიშნა, რომ აშშ-ის პრეზიდენტი ჯო ბაიდენი ადმინისტრაციისთვის ისრაელ-„ჰამასის“ ომის “რაც შეიძლება მალე” დასრულება მომავალი წლის ერთ-ერთ უმაღლეს პრიორიტეტს წარმოადგენს. მანამდე ბლინკენმა აშშ-ის საგარეო პოლიტიკის მომავალი წლის პრიორიტეტებად რუსეთის წინააღმდეგ ომში უკრაინის მხარდაჭერა, ჩინეთთან გამკლავება და კოალიციის ფორმირება დაასახელა.

ბლინკენმა აღნიშნა, რომ აშშ გააგრძელებს ისრაელის დახმარებას, რათა “უზრუნველყოს, რომ ის, რაც 7 ოქტომბერს მოხდა, არასდროს განმეორდეს”.