საბერძნეთი აშშ-ის ხელმძღვანელობით შექმნილ წითელი ზღვის საზღვაო კოალიციას შეუერთდება, - ამის შესახებ საბერძნეთის თავდაცვის მინისტრმა, ნიკოს დენდიასმა განაცხადა.

„ფრეგატი სავაჭრო გემების, მეზღვაურების სიცოცხლის და გლობალური ეკონომიკის დასაცავად მრავალეროვნულ ოპერაციაში მონაწილეობას მიიღებს“, - განაცხადა ნიკოს დენდიასმა.

ბერძნული ფლოტის ფრეგატი წითელი ზღვის სამუშაო ჯგუფს საბერძნეთის პრემიერ-მინისტრის, კირიაკოს მიცოტაკისის ბრძანებით შეუერთდება.

შეგახსენებთ, რომ სამშაბათს, აშშ-მა, ჰუსიტების გაძლიერებული თავდასხმების შედეგად, წითელ ზღვაში მრავალეროვნული საზღვაო ოპერაცია შექმნა.