ქართული მხარის მომზადება გასაოცარია, - ამის შესახებ საერთაშორისო სათხილამურო ფედერაციის (FIS) შეჯიბრის დირექტორმა, ანდრეა რინალდმა ბაკურიანში მიმდინარე მსოფლიო თასის ეტაპის მოგულის დისციპლინასთან დაკავშირებით, განაცხადა.

მისივე თქმით, ჩემპიონატი კარგი სტარტით დაიწყო.

„ქართული მხარის მომზადება გასაოცარია. ყველაფერი წესრიგშია და პროცესი ძალიან კარგად მიმდინარეობს. ველოდებით ფანტასტიკურ საფინალო შოუს. ქალები კვალიფიკაციაზე მშვენივრად ასპარეზობენ. ვფიქრობთ, რომ კაცებიც არაჩვეულებრივ სანახაობას შემოგვთავაზებენ”, - განაცხადა ანდრეა რინალდმა.

შეგახსენებთ, ბაკურიანში, საერთაშორისო სათხილამურო ფედერაციის ეგიდით, დღეს და ხვალ მსოფლიო თასის ეტაპი - მოგულის დისციპლინაში გაიმართება. საერთაშორისო ღონისძიებაში, მსოფლიოს წამყვანი 16 ქვეყნის (აშშ, კანადა, ავსტრია, საფრანგეთი, შვეიცარია, ავსტრალია, შვედეთი, ჩინეთი, ყაზახეთი იაპონია, კორეა, ესპანეთი, იტალია, გერმანია, ფინეთი, ნიდერლანდები,) 90 სპორტსმენი იასპარეზებს.

ღონისძიება საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს შპს „მთის ტრასების სააგენტოსა“ (MTA) და სათხილამურო ფედერაციის ორგანიზებით გაიმართება, შეჯიბრების პარტნიორი კი კომპანია “სილქნეტი” და „ბორჯომია”.