დღეს ქრისტესშობას „ხსნის არმიის“ ეკლესია და მისი მრევლი აღნიშნავს

დღეს ქრისტესშობას „ხსნის არმიის“ ეკლესია და მისი მრევლი აღნიშნავს. დღესასწაულთან დაკავშირებით, ორგანიზაციას რელიგიის საკითხთა სახელმწიფო სააგენტოს წარმომადგენლები ეწვივნენ.

ამის შესახებ ინფორმაციას რელიგიის სახელმწიფო სააგენტო ავრცელებს.

„რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსმა ნინო ჭავჭავაძემ, საქართველოს მთავრობის სახელით, „ხსნის არმიას“ ქრისტესშობა და დამდეგი ახალი წელი მიულოცა, მშვიდობა, სტაბილურობა და ბედნიერ ქვეყანაში ცხოვრება უსურვა.

საზეიმო მსახურებას დაესწრნენ რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი სპეციალისტი სერგო ფარულავა და სამართლებრივი უზრუნველყოფის სამსახურის იურისტი ალექსანდრე შეყილაძე“,- ნათქვამია ინფორმაციაში.