სომხეთის პრემიერ-მინისტრი, ნიკოლ ფაშინიანი ორდღიანი ვიზიტით რუსეთს ეწვევა, - ინფორმაციას რუსული მედია სომხეთის მთავრობის პრესსამსახურზე დაყრდნობით ავრცელებს.

მათივე ინფორმაციით, ვიზიტის ფარგლებში, ფაშინიანი დღეს ევრაზიის უმაღლესი ეკონომიკური საბჭოს სხდომაში მიიღებს მონაწილეობას, ხვალ კი დამოუკიდებელ სახელმწიფოთა თანამეგობრობის სახელმწიფოთა (დსთ) მეთაურების არაფორმალურ შეხვედრას დაესწრება.

შეგახსენებთ, რომ ოქტომბერში ფაშინიანი, ერევანსა და მოსკოვს შორის მზარდი განხეთქილების ფონზე, დამოუკიდებელ სახელმწიფოთა თანამეგობრობის ყირგიზეთში გამართულ სამიტს არ დაესწრო.