რუსული ძალები მარინკას აკონტროლებენ. ამის შესახებ რუსეთის თავდაცვის მინისტრმა, სერგეი შოიგუმ განაცხადა.

„ჩვენმა შემტევმა ნაწილებმა დღეს მარინკას დასახლება მთლიანად გაათავისუფლეს“, - განუცხადა სერგეი შოიგუმ პუტინს.

თავდაცვის მინისტრმა ვლადიმერ პუტინს მოახსენა, რომ მარინკას დაკავება ბახმუტის აღების შემდეგ რუსი სამხედროების ერთ-ერთი ყველაზე მნიშვნელოვან მიღწევას წარმოადგენს.

„მინდა მოგილოცოთ. ეს წარმატებაა, რომელიც რუს ჯარისკაცებს შესაძლებლობას აძლევს, რომ უფრო ფართო ოპერაციულ ზონაში გადავიდნენ“, - აღნიშნა პუტინმა.