ტაივანმა რუსეთისა და ბელარუსის წინააღმდეგ სანქციები გააფართოვა

ტაივანმა რუსეთისა და ბელარუსის წინააღმდეგ სანქციები გააფართოვა, - ამის შესახებ ინფორმაციას ტაივანის ეკონომიკის სამინისტრო ავრცელებს.

ტაივანის ეკონომიკის სამინისტრომ დაწესებული სანქციების სია იმ მიზნით გააფართოვა, რომ რუსეთსა და ბელარუსში ისეთი საქონლის ექსპორტი არ მოხდეს, რომლის გამოყენებაც სამხედრო მიზნებისთვის შეიძლება.

„სანქცირებული საქონლის სია საერთაშორისო თანამშრომლობის განსახორციელებლად და ჩვენი მაღალტექნოლოგიური საქონლის სამხედრო მიზნებისთვის ექსპორტის თავიდან ასაცილებლად გაფართოვდა“, - ნათქვამია ტაივანის ეკონომიკის სამინისტროს განცხადებაში.

გაფართოებულ სიაში ნახევარგამტარების საწარმოებელი მოწყობილობები შევიდა, რომლის მწარმოებელთა შორის ტაივანი ლიდერობს, ასევე, გარკვეული ქიმიკატები და მედიკამენტები.