ბათუმში წყლისპირის ქუჩაზე მდებარე ყოფილი სამხედრო ბაზის შენობაში მოქალაქეები შეიჭრნენ. მათი თქმით, შენობის დატოვებას არ აპირებენ, რადგან საცხოვრებელი არ აქვთ და თავშესაფარს ითხოვენ.
ადგილზე სამართალდამცავები არიან მობილიზებული.
„ქირას ვერ ვიხდით, ავადმყოფები და მცირეწლოვანი ბავშვები გვყავს, თავზე გვაწვიმს, არ გვაქვს წასასვლელი. კი, უკანონოდ შემოვიჭერით თუმცა, სხვა გზა არ გვაქვს. ვითხოვთ ყურადღებას“, - ამბობენ მოქალაქეები.
მოქალაქეებს ბათუმის საკრებულოს თავმჯდომარე რამაზ ჯინჭარაძე შეხვდა. როგორც მან ჟურნალისტებთან აღნიშნა, მოქალაქეებს ბათუმის მერიის პროგრამაში ჩართვასა და დახმარებას დაჰპირდა.
