თეირანი ურანის წარმოების გაზრდასთან დაკავშირებით ატომური ენერგიის საერთაშორისო სააგენტოს ანგარიშს უარყოფს, - ამის შესახებ ინფორმაციას ირანის ოფიციალური საინფორმაციო სააგენტო IRNA ავრცელებს.

„ჩვენ ახალი სამუშაოები არ ჩაგვიტარებია და ჩვენი ამჟამინდელი საქმიანობა რეგულაციების მიხედვით მიმდინარეობს“, - განაცხადა ირანის ბირთვული პროგრამის ხელმძღვანელმა, მოჰამედ ესლამიმ.

ცნობისთვის, გუშინ, ატომური ენერგიის საერთაშორისო სააგენტომ ანგარიში წარადგინა, რომლის მიხედვით ირანმა ბოლო რამდენიმე კვირის განმავლობაში 60%-მდე გამდიდრებული ურანის წარმოება გაზარდა.