საქართველოს თავდაცვის სამინისტრო სამხედრო მოსამსახურის მკვლელობასთან დაკავშირებით განცხადებას ავრცელებს.

უწყება სამხედრო მოსამსახურის, ლაშა გუჯეჯიანის დაღუპვის გამო მწუხარებას გამოთქვამს.

„თავდაცვის სამინისტრო მწუხარებას გამოთქვამს 27 დეკემბერს ტრაგიკული ინციდენტის შედეგად გარდაცვლილი სამხედრო მოსამსახურის, ლაშა გუჯეჯიანის დაღუპვის გამო.

პოლიციამ ჩატარებული საგამოძიებო მოქმედებების შედეგად ბრალდებული მომხდარიდან რამდენიმე წუთში შემთხვევის ადგილზევე დააკავა. შინაგან საქმეთა სამინისტროს მიერ გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე საქართველოს სისხლის სამართლის კოდექსის 108-ე და 236-ე მუხლებით დაიწყო“, - აღნიშნულია თავდაცვის სამინისტროს განცხადებაში.