საფრანგეთი აზერბაიჯანის საელჩოს ორ თანამშრომელს ქვეყნიდან აძევებს, ბაქოს ანალოგიური ნაბიჯის საპასუხოდ.

ამის შესახებ განცხადებას საფრანგეთის საგარეო საქმეთა სამინისტრო ავრცელებს.

“ჩვენ კატეგორიულად უარვყოფთ აზერბაიჯანის მიერ გადაწყვეტილების გასამართლებლად წარდგენილ ბრალდებებს. საპასუხო ზომად საფრანგეთმა აზერბაიჯანის საელჩოს ორი აგენტი პერსონა ნონ გრატად გამოაცხადა. აზერბაიჯანის ელჩი საფრანგეთში დღეს საგარეო საქმეთა სამინისტროში დაიბარეს, რათა ინფორმაცია მიეღო ამ ელემენტების შესახებ”, - ნათქვამია საფრანგეთის საგარეო საქმეთა სამინისტროს განცხადებაში.

ცნობისთვის, აზერბაიჯანმა 26 დეკემბერს საფრანგეთის საელჩოს ორი თანამშრომელი პერსონა ნონ გრატად გამოაცხადა. ბაქოს თქმით, მათი ქმედებები “არ შეესაბამებოდა მათ დიპლომატიურ სტატუსს და 1961 წლის დიპლომატიური ურთიერთობების შესახებ ვენის კონვენციას ეწინააღმდეგება”. აზერბაიჯანის საგარეო უწყებას არ დაუზუსტებია კონკრეტულად რა ქმედებებზეა საუბარი.