ჩინეთი აცხადებს, რომ ტაივანი სამხედრო საფრთხეზე აქცენტს საარჩევნო მიზნებისთვის აკეთებს
ჩინეთი აცხადებს, რომ ტაივანი სამხედრო საფრთხეზე აქცენტს საარჩევნო მიზნებისთვის აკეთებს.
„დემოკრატიულ პროგრესული პარტიის ადმინისტრაცია კონტინენტიდან წამოსულ საფრთხეს აზვიადებს და დაძაბულობის შესახებ ინფორმაციას მიზანმიმართულად ავრცელებს“, - განაცხადა ჩინეთის თავდაცვის სამინისტროს სპიკერმა, ვუ ციანმა.
„ეს მთლიანად საარჩევნო სარგებლის მიღებას ემსახურება, კონფრონტაციის გასაღვივებლად და არჩევნების მანიპულირებისთვის საარჩევნო სახელმძღვანელოდან ნაცნობი მეთოდია“, - აღნიშნა ჩინეთის თავდაცვის სამინისტროს სპიკერმა.
ტაივანში საპრეზიდენტო და საპარლამენტო არჩევნები 2024 წლის 13 იანვარს გაიმართება. ცნობისთვის, ტაივანის თავდაცვის სამინისტრომ განაცხადა, რომ ისინი არჩევნებამდე ჩინეთის მხრიდან ფართომასშტაბიანი სამხედრო აქტივობის რაიმე ნიშნებს ვერ ხედავენ, მაგრამ სიტუაციას ყურადღებით აკვირდებიან.
