29 დეკემბერს, პარლამენტის საგარეო ურთიერთობათა კომიტეტი რეგიონში მიმდინარე მოვლენებისა და გამოწვევების თემაზე მოსმენას გამართავს.

კომიტეტის სხდომაზე სამი დიპლომატია მიწვეული - მოუსმენენ აზერბაიჯანის რესპუბლიკაში საქართველოს საგანგებო და სრულუფლებიან ელჩს ზურაბ პატარაძეს, საქართველოს ელჩს თურქეთში გიორგი ჯანჯღავას და ელჩს სომხეთში გიორგი შარვაშიძეს.

პარლამენტის საგარეო ურთიერთობათა კომიტეტის სხდომა 14:00 საათისთვის დაინიშნა.