ბათუმში რუსთაველის ქუჩაზე ხუთსართულიანი კორპუსის მეოთხე სართულზე ხანძარი იყო.

ადგილზე სახანძრო-სამაშველო და სასწრაფო დამხმარების ბრიგადაა მობილიზებული. სამართალდამცავებს ტერიტორია ყვითელი ლენტით აქვს შემოსაზღვრული.

თვითმხილველების ინფორმაციით, შემთხვევის შედეგად არავინ დაშავებულა. დაზარალებულმა ოჯახმა ხანძრის დროს, ტერიტორიის დროულად დატოვება შეძლო. როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ხანძარი ლიკვიდირებულია. ამ დროისათვის, წმინდა ბარბარეს ტაძრის მიმდებარედ, ცალმხრივად მოძრაობა შეფერხებულია.