ღაზის ჯანდაცვის სამინისტრო - ღაზის სექტორში დაღუპულთა რიცხვი 21 978-მდე გაიზარდა

ღაზის სექტორში დაღუპულთა რიცხვი 21 978-მდე გაიზარდა , - ინფორმაციას ღაზის ჯანდაცვის სამინისტრო ავრცელებს.­

„ჰამასის“ მიერ კონტროლირებადი ღაზის ჯანდაცვის სამინისტროს ცნობით, ღაზაში დაღუპულთა რიცხვი 21 978-მდე გაიზარდა, დაშავებულთა რაოდენობა კი 57 697-ს აღწევს.

სამინისტროს პრესსპიკერის, აშრაფ ალ-ქუდრას ინფორმაციით, ბოლო 24 საათის განმავლობაში, სულ მცირე 156 ადამიანი დაიღუპა და 246 დაშავდა.

აშრაფ ალ-ქუდრამ განაცხადა, რომ ისრაელის თავდაცვის ძალების შეტევების შედეგად ღაზაში 30 საავადმყოფო აღარ ფუნქციონირებს.