ფინეთი უკრაინის დახმარებას გააგრძელებს
ფინეთი უკრაინის დახმარებას გააგრძელებს, - ამის შესახებ ფინეთის პრემიერ-მინისტრმა, პეტერი ორპომ საახალწლო მილოცვისას განაცხადა.
„ფინელი ხალხი და სახელმწიფო უკრაინის მტკიცე მხარდაჭერას აგრძელებს. ეროვნულ დონეზე ჩვენი გადაწყვეტილებები, როგორიც მძიმე საბრძოლო მასალის წარმოებაა, საშუალებას გვაძლევს უკრაინას მხარი გრძელვადიან პერსპექტივაში დავუჭიროთ. ამავდროულად, ჩვენ საკუთარი თავდაცვის შესაძლებლობებს ვაძლიერებთ“, - განაცხადა პეტერი ორპომ.
ფინეთის პრემიერმა აღნიშნა, რომ უკრაინელები თავიანთი ქვეყნისთვის, დასავლური ღირებულებებისთვის და მთლიანად ევროპისთვის მამაცურად იბრძვიან.
„უკრაინასთან ევროკავშირში გაწევრიანების შესახებ მოლაპარაკებების დაწყება უკრაინელი ხალხისთვის იმედის სიგნალს წარმოადგენს. უკრაინას ევროპულ ოჯახში გაწევრიანებისთვის იწვევენ და მისი ადგილი ევროკავშირშია“, - აღნიშნა ფინეთის პრემიერ-მინისტრმა.
v-if="article.gallery" v-html="article.gallery"
