ჩინეთი და ტაილანდი ერთმანეთის მოქალაქეებისთვის სავიზო მოთხოვნებს აუქმებენ, - ამის შესახებ ინფორმაციას ტაილანდის პრემიერ-მინისტრი, სრეტა ტავისინი ავრცელებს.

„ეს ორ ქვეყანას შორის ურთიერთობებს გააუმჯობესებს“, - განაცხადა სრეტა ტავისინმა.

ორი სახელმწიფოს მიერ მიღებული გადაწყვეტილება ძალაში მიმდინარე წლის მარტიდან შევა.

ცნობისთვის, 2023 წელს ტაილანდმა 28 მილიონი უცხოელი ტურისტი მიიღო.