უკრაინელებმა რუსების მიერ გაშვებული 28 დრონიდან 21 გაანადგურეს
უკრაინის საჰაერო თავდაცვის ძალებმა და საშუალებებმა გუშინ ღამით რუსების მიერ გაშვებული 28 დრონიდან 21 ჩამოაგდეს, - ინფორმაციას უკრაინული მედია საჰაერო ძალებზე დაყრდნობით ავრცელებს.
„წუხელ რუსებმა უკრაინას „Shahed-136/131“ ტიპის 28 დრონით რუსეთის პრიმორსკო-ახტარსკის რაიონიდან შეუტიეს, S-300 ტიპის მართვადი საზენიტო 3 რაკეტით კი ოკუპირებული დონეცკის რეგიონიდან, თავდასხმის ძირითადი მიმართულებები სამხრეთი და აღმოსავლეთი იყო“, - აცხადებენ უკრაინის საჰაერო ძალებში.
მათივე ინფორმაციით, უკრაინის საჰაერო ძალებმა და საშუალებებმა მოწინააღმდეგის 21 დრონი ჩამოაგდეს.
საჰაერო თავდასხმის მოგერიებაში მონაწილეობდნენ საზენიტო-სარაკეტო ქვედანაყოფები და მობილური საცეცხლე ჯგუფები.
საჰაერო თავდაცვა მოქმედებდა ზაპოროჟიეს, მიკოლაივის, ოდესის, დნეპროპეტროვსკის, კიროვოგრადის, ვინიცას და ჩერკასის ოლქებში.
v-if="article.gallery" v-html="article.gallery"
