აშშ-ის სახელმწიფო მდივანი ენტონი ბლინკენი ისრაელის პრეზიდენტს, იცხაკ ჰერცოგს შეხვდა. ამის შესახებ ინფორმაციას ისრაელის მედია ავრცელებს.

„არაფერია იმაზე უფრო მეტად საშინელი და ამაზრზენი, ვიდრე მართლმსაჯულების საერთაშორისო სასამართლოში შეტანილი სარჩელი, რომელიც ისრაელს „ჰამასის“ ტერორისტული დაჯგუფების წინააღმდეგ ომში, პალესტინელების მიმართ გენოციდურ ქმედებებში ადანაშაულებს“, - განუცხადა ისრაელის პრეზიდენტმა, იცხაკ ჰერცოგმა ენტონი ბლინკენს.

აშშ-ის სახელმწიფო მდივანთან შეხვედრისას ისრაელის პრეზიდენტმა სამხრეთ აფრიკა საქმის აღძვრისთვის გააკრიტიკა და ბლინკენს მხარდაჭერისთვის მადლობა გადაუხადა.

ისრაელის პრეზიდენტის შემდეგ ენტონი ბლინკენი ბენიამინ ნეთანიაჰუსა და ომის კაბინეტის წევრებს შეხვდება.