სამხრეთ კორეა აცხადებს, რომ „ჰამასი“ ისრაელის წინააღმდეგ ომში ჩრდილოეთ კორეის იარაღს იყენებს.

სამხრეთ კორეის ეროვნული სადაზვერვო სამსახურის ინფორმაციით, შეიარაღებული დაჯგუფება „ჰამასი“ ისრაელის წინააღმდეგ ომში ჩრდილოეთ კორეის იარაღს იყენებს. სადაზვერვო სამსახურმა CNN-ს დაუდასტურა „ამერიკის ხმის“ მიერ გავრცელებული ინფორმაცია, რომ „ჰამასის“ მებრძოლებმა ჩრდილოეთ კორეული წარმოების F-7 სარაკეტო ყუმბარმტყორცნი გამოიყენეს.

სამხრეთ კორეის ეროვნულ სადაზვერვო სამსახურში აცხადებენ, რომ აგროვებენ კონკრეტულ მტკიცებულებებს ჩრდილოეთ კორეის მიერ „ჰამასისთვის“ იარაღის მიწოდების მასშტაბებსა და ვადებთან დაკავშირებით.

Small Arms Survey-ის მიხედვით, F-7 საბჭოთა/რუსული RPG-7-სა და ჩინური 69-1 ტიპის ყუმბარმტყორცნების ეკვივალენტია.