მკვეთრი დიპლომატიის დროა, - ამის შესახებ იტალიის თავდაცვის მინისტრმა, გვიდო კროსეტომ უკრაინაში ომთან დაკავშირებით განაცხადა.

იტალიის თავდაცვის მინისტრის თქმით, ორივე მხრიდან მნიშნველოვანი სიგნალებია.

„ამ პერსპექტივიდან, როგორც ჩანს, სამხედრო მხარდაჭერის პარალელურად, მკვეთრი დიპლომატიის დრო დადგა, რადგან ორივე მხრიდან არაერთი მნიშვნელოვანი სიგნალი მოდის“, - განაცხადა გვიდო კროსეტომ.

იტალიის თავდაცვის მინისტრმა აღნიშნა, რომ 2023 წლის უკრაინის კონტრშეტევას სასურველი შედეგი არ მოჰყოლია და სამხედრო ვითარება რეალისტურად უნდა შეფასდეს.