თურქეთმა, ბულგარეთმა და რუმინეთმა შავი ზღვის განაღმვის შესახებ შეთანხმებას მოაწერეს ხელი
დღეს, სტამბოლში, თურქეთის თავდაცვის მინისტრმა, იაშარ გიულერმა, რუმინეთის თავდაცვის მინისტრმა, ანხელ ტილვარმა და ბულგარეთის თავდაცვის მინისტრის მოადგილემ, ატანას ზაფრიანოვმა შავის ზღვის ნაღმებისგან გასუფთავების ურთიერთგაგების მემორანდუმს მოაწერეს ხელი.
„შავ ზღვაში მცურავი ნაღმების საფრთხე ომის დაწყებისთანავე გაჩნდა. ნაღმების წინააღმდეგ უფრო ეფექტური ბრძოლის მიზნით გადავწყვიტეთ, სამ ქვეყანას შორის არსებული მჭიდრო თანამშრომლობისა და კოორდინაციის გაუმჯობესების გზით, ნაღმების წინააღმდეგ ბრძოლის პროტოკოლს მოვაწეროთ ხელი“, - განაცხადა თურქეთის თავდაცვის მინისტრმა.
თურქეთის, ბულგარეთისა და რუმინეთის ინიციატივა შავ ზღვაში გადაზიდვების უსაფრთხოების უზრუნველყოფას ისახავს მიზნად.
