რელიგიის საკითხთა სახელმწიფო სააგენტო საქართველოს მუსლიმ თემს სამთვეულის - რაჯაბის, შაბანის, რამადანის თვის დასაწყისს ულოცავს.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

„მუსლიმური ტრადიციით, 12 იანვრიდან იწყება სამთვეული, მთვარის კალენდრის ოთხი წმინდა თვიდან სამი - რაჯაბი, შაბანი და რამადანი, რომლებიც ერთმანეთის მიყოლებითაა კალენდარში და მათთან დაკავშირებულია მრავალი მუსლიმური დღესასწაული.

რელიგიის საკითხთა სახელმწიფო სააგენტო ულოცავს საქართველოს მუსლიმ თემს სამთვეულის დასაწყისს, მშვიდობას და კეთილდღეობას უსურვებს მათ“,- ნათქვამია განცხადებაში.