ფოთში, ფონდ ,,ბილივის“ ორგანიზებით საახალწლო კამპანია - ,,გჯეროდეს სიკეთის” მიმდინარეობს
ფოთში, ფონდ ,,ბილივის“ ორგანიზებით საახალწლო კამპანია - ,,გჯეროდეს სიკეთის” მიმდინარეობს.
კამპანია მრავალშვილიანი ოჯახების და სოციალურად დაუცველი პირების დასახმარებლად ხორციელდება. ბენეფიციარებს სხვადასხვა სახის სათამაშო, საჩუქრები, ტკბილეული და პროდუქტების კალათები უკვე გადაეცათ.
„წლებია , რაც ფონდი“ ბილივი“ ახალი წლის დღეებში ასე ანებივრებს სოციალურად დაუცველ ოჯახებს. ჩემს შვილებს „ბილივის“ ოფისში მისვლა სულ უხარიათ, რადგან იქ თბილი, სასიამოვნო გარემო და მოსიყვარულე ადამიანები ხვდებათ. „ბილივი“ - ეს არის ადგილი, სადაც ბავშვებზე ზრუნავენ. ამ ფონდის თითოეული წევრი არის საუკეთესო. მადლობა „ბილივის“ მეგობრებს ასე ენთუზიაზმით, რომ ერთვებიან სიკეთის კამპანიაში და საახალწლო განწყობას უქმნიან სოციალურად დაუცველ პატარებს და მათ ოჯახებს”, - განაცხადა ერთ-ერთმა მშობელმა.
„ბილივის“ ინფორმაციით, საერთო ჯამში, საახალწლო კამპანიამ 50-მდე ადამიანი მოიცვა.
ცნობისთვის, „გჯეროდეს სიკეთის“ - ფონდ ,,ბილივის“ ყოველწლიური საახალწლო კამპანიაა. იგი ფონდის მეგობრების, კერძო კომპანიებისა და ინდივიდუალური შემომწირველების ჩართულობით მე-10 წელია ხორციელდება. საახალწლო კამპანია ,,გჯეროდეს სიკეთის“ 30 დეკემბერს დაიწყო და 14 იანვარს, ძველით ახალ წელს, დასრულდება.
(R)
v-if="article.gallery" v-html="article.gallery"
