„ჰუსიტების“ წარმომადგენელი - აშშ-ის საჰაერო იერიშებს მსხვერპლი არ მოჰყოლია

აშშ-ის საჰაერო იერიშებს მსხვერპლი არ მოჰყოლია, - ამის შესახებ „ჰუსიტების“ წარმომადგენელმა, ნასრედინ ამერმა განაცხადა.

„დაშავებულები არ ყოფილა, ასევე, არც მატერიალური და არც ადამიანური დანაკარგები“, - განაცხადა „ჰუსიტების“ წარმომადგენელმა.

ამერმა აღნიშნა, რომ თავდასხმებს „ჰუსიტები“ ძლიერ და ეფექტურ პასუხს გასცემენ.

„ჰუსიტების“ სპიკერმა, მოჰამედ აბდულსალამმა განაცხადა, რომ აშშ-ის თავდასხმები წითელ ზღვაში ისრაელთან კავშირში მყოფ გემებზე თავდასხმებში დაჯგუფებას ხელს ვერ შეუშლის.

შეგახსენებთ, რომ დღეს დილით, აშშ-მა „ჰუსიტების“ წინააღმდეგ დამატებითი საჰაერო იერიშები განახორციელა.