“ჰუსიტების“ პრესსპიკერის განცხადებით, წითელ ზღვაში გემებზე თავდასხმები გაგრძელდება
წითელ ზღვაში გემებზე თავდასხმები გაგრძელდება, - ამის შესახებ „ჰუსიტების“ პრესსპიკერმა, მუჰამედ აბდულსალამმა განაცხადა.
„ისრაელის გემების ან ოკუპირებული პალესტინის პორტებისკენ მიმავალი გემების შესაჩერებლად შეტევები გაგრძელდება“, - განაცხადა დაჯგუფების პრესსპიკერმა.
აბდულსალამმა აღნიშნა, რომ დაჯგუფებას წითელ და არაბეთის ზღვებში ესკალაცია არ სურს და წითელი ზღვის მილიტარიზაცია სწორედ აშშ-მა და დიდმა ბრიტანეთმა მოახდინა.
„ჰუსიტების“ პრესსპიკერის განცხადებიდან მალევე, დიდი ბრიტანეთის საზღვაო სავაჭრო ოპერაციების სააგენტომ გაავრცელა ინფორმაცია, რომ იემენის სანაპიროსთან მყოფ გემზე სარაკეტო დარტყმა განხორციელდა.
