ლიბანის საგარეო მინისტრი - იმედი მაქვს, ისრაელს ესმის, რომ ჩვენთან ომი მათთვის „პიკნიკი“ არ იქნება
ლიბანის საგარეო საქმეთა მინისტრი, აბდულა ბუ ჰაბიბი ისრაელს აფრთხილებს, რომ თუ ქვეყნებს შორის ომი დაიწყება, ეს მათთვის „პიკნიკი“ არ იქნება.
”იმედი მაქვს, მათ ესმით, რომ ომი არ იქნება მათთვის პიკნიკი”, - ციტირებენ მედია საშუალებები ლიბანელ მინისტრს.
მისივე თქმით, ისრაელმა ღაზის სექტორში საომარი მოქმედებები უნდა შეწყვიტოს. "ომი ღაზაში უნდა დასრულდეს. საკმარისია", - აღნიშნა აბდულა ბუ ჰაბიბმა.
მანამდე, პორტალმა Axios-მა გაავრცელა ინფორმაცია, რომ ისრაელმა „ჰამასს“, მძევლების გათავისუფლების შეთანხმებასთან დაკავშირებით, ღაზაში საომარი მოქმედებების ორი თვით შეწყვეტა შესთავაზა.
