უკრაინის პრეზიდენტი, ვოლოდიმირ ზელენსკი რუსეთის სარაკეტო თავდასხმას გამოეხმაურა და განაცხადა, რომ ეს არის მიზანმიმართული ტერორი უკრაინის წინააღმდეგ.

„ჩვენს ქალაქებსა და ხალხზე რუსეთის მორიგი თავდასხმის შემდეგ სამაშველო ოპერაცია გრძელდება. ეს არის მიზანმიმართული ტერორი ჩვეულებრივი საცხოვრებელი სახლების წინააღმდეგ კიევში, ხარკოვში, პავლოგრადში. სამწუხაროდ, არიან დაშავებულები და დაღუპულები“, - აცხადებს ზელენსკი.

მისი თქმით, ამ დროისთვის არსებული ინფორმაციით, კიევში, დაბომბვის შედეგად 22 ადამიანი დაშავდა, ხარკოვში რუსეთის ტერაქტს 5 ადამიანი ემსხვერპლა, დაშავებულია 51 ადამიანი, მათ შორის 4 ბავშვი.

პრეზიდენტმა მაშველებს და მედიკოსებს, რომლებიც მოქალაქეების გადარჩენისთვის ზრუნავენ მადლობა გადაუხადა.