დონალდ ტრამპი ნიუ-ჰემფშირში გამართულ პრაიმერისში ლიდერობს

აშშ-ის ყოფილი პრეზიდენტი, დონალდ ტრამპი ნიუ-ჰემფშირის შტატში, რესპუბლიკური პარტიის საპრეზიდენტო კანდიდატობისთვის გამართულ შიდაპარტიულ არჩევნებში - პრაიმერისში - ლიდერობს, - ინფორმაციას CNN-ი ავრცელებს.

ტელეკომპანიის ცნობით, ამ დროისთვის დათვლილია ხმების დაახლოებით 44 %-ი და მიღებული შედეგების თანახმად, დონალდ ტრამპს ხმების 54.4%-ი აქვს, მის მეტოქეს, ნიკი ჰეილის კი - 43.9%-ი.

ნიკი ჰეილიმ, რომელიც სამხრეთ კაროლინის შტატის ყოფილი გუბერნატორია, დონალდ ტრამპს პრაიმერისში გამარჯვება მიულოცა, მაგრამ განაცხადა, რომ საპრეზიდენტო რბოლაში რჩება.

შეგახსენებთ, დონალდ ტრამპმა რამდენიმე დღის წინ აიოვას შტატში გამართულ შიდაპარტიულ კენჭისყრაში, ე.წ. კოკუსშიც გაიმარჯვა.