ბაზისბანკი, როგორც ქართული ბიზნესის ერთ-ერთი უმსხვილესი დამფინანსებელი, აგრძელებს დეველოპერული და სამშენებლო სექტორის მხარდაჭერას. ბანკთან პარტნიორობით, ბათუმში, კურორტ მახინჯაურში, დეველოპერული კომპანია არსი გრუპი 12 სართულიან პრემიუმ კლასის საცხოვრებელ და საინვესტიციო კომპლექსს აშენებს. ბანკის მიერ გაწეული ფინანსური მხარდაჭერა ერთ მილიონ აშშ დოლარს შეადგენს.

Sea Hills მოიცავს 2033 კვ.მ. ფართობზე, ეკოლოგიურად სუფთა, მწვანე და მშვიდ გარემოში მდებარე 224 ბინიან ორ საცხოვრებელ კომპლექსს მიწისქვეშა ავტოსადგომით, ღია აუზით, სპა ცენტრით და სპორტული დარბაზით, რეკრეაციული ზონით, საბავშვო ინფრასტრუქტურით და 24/7 ვიდეოკონტროლით. კომპლექსის ორივე ბლოკს აქვს ღია ტერასა. კომპლექსი გაზიფიცირებულია.

საცხოვრებელი კომპლექსის მშენებლობა 2024 წლის დეკემბერში სრულდება და 32.8 კვ.მ-დან საცხოვრებელი ფართები, შავი ან თეთრი კარკასის მდგომარეობაში ან დასრულებული რემონტით ბარდება მომხმარებელს. ბინის შეძენის მსურველებს ბაზისბანკი გამარტივებულ იპოთეკურ სესხს სთავაზობს. განაცხადის შევსება შესაძლებელია ონლაინ.

„Sea Hills გამორჩეული საცხოვრებელი და საინვესტიციო პროექტია, რომელიც აერთიანებს კეთილმოწყობილ ინფარასტრუქტურასა და ყველა იმ სერვისს, რაც ჩვენი მაცხოვრებლებისთვის კომფორტულ საცხოვრებელ გარემოს ქმნის. პროექტის განხორციელება ბაზისბანკის ძლიერი და პროფესიონალთა გუნდის მხარდაჭერით შევძელით და მოხარული ვარ, რომ ბაზისბანკთან პარტნიორობით ასეთ მნიშვნელოვან პროექტს ვახორციელებთ, რომელიც გამოირჩევა მაღალი სანდოობით და ჩვენს მობინადრეებს მყუდრო და უსაფრთხო საცხოვრებელ გარემოს ვთავაზობთ.“ - განაცხადა არსი გრუპის წარმომადგენელმა, ლიკა ქორიძემ.

„ბაზისბანკის ერთ-ერთ პრიორიტეტულ მიმართულებას სამშენებლო სექტორის მხარდაჭერა წარმოადგენს. მსგავსი პროექტების განხორციელება მნიშვნელოვანია როგორც მთლიანად ქვეყნისთვის, ასევე ხელს უწყობს სამშენებლო სექტორის განვითარებასა და ეკონომიკის გაძლიერებას. მოხარული ვარ, რომ აღნიშნული თანამშრომლობის ფარგლებში ბათუმში კიდევ ერთი მულტიფუნქციური პროექტი ხორციელდება, რომელიც მომხმარებელში მაღალი სანდოობით გამოირჩევა.“ - აღნიშნა ბაზისბანკის კომერციულმა დირექტორმა, გიგი გაბუნიამ.

(R)