ბათუმის წყალი წყლისა და წყალარინების ტარიფების ცვლილებაზე ინფორმაციას ავრცელებს

ბათუმის წყალი წყლისა და წყალარინების ტარიფების ცვლილებაზე ინფორმაციას ავრცელებს.

როგორც განცხადებაშია აღნიშნული, ტარიფის ცვლილება ძირითადად არასაყოფაცხოვრებო, კომერციულ ობიექტებზე ვრცელდება.

„საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილებით, 2024 წლის 1-ელი იანვრიდან შეიცვალა წყლისა და წყალარინების ტარიფები, რომელიც ძირითადად ვრცელდება არასაყოფაცხოვრებო, კომერციულ ობიექტებზე.

ტექნიკური ხასიათის ცვლილებები განხორციელდა საყოფაცხოვრებო გამრიცხველიანებულ ტარიფზე, რის შედეგადაც წყლის ახალი ტარიფი უმნიშვნელოდ - 0.00826 (ლარი/მ3)-ით შეიცვალა.

უცვლელი დარჩა საყოფაცხოვრებო ტარიფი სულადობით, რომელიც 2.62 (ლარი/მ3)-ს შეადგენს.

არასაყოფაცხოვრებო, კომერციული ობიექტის ტარიფი გაიზარდა 00.10 ლარით, კერძოდ: წყალი - 3.34058, წყალარინება - 2.52874, სულ - 5.86932 (ლარი/მ3)“,- ნათქვამია გავრცელებულ ინფორმაციაში.