ღაზის სექტორის „ჰამასის“ მიერ მართული ჯანდაცვის სამინისტროს ცნობით, ისრაელთან ომის დაწყებიდან 26 422 ადამიანი დაიღუპა და 65 087 - დაშავდა.

„7 ოქტომბრის შემდეგ ისრაელის აგრესიის მსხვერპლთა რიცხვი 26 422-ამდე გაიზარდა, დაშავებულია 65 087 ადამიანი“, - აცხადებენ უწყებაში.

ისრაელმა ღაზის სექტორში სამხედრო ოპერაცია მას შემდეგ დაიწყო, რაც „ჰამასმა“ ისრაელზე, 7 ოქტომბერს მოულოდნელი თავდასხმა განახორციელა, რასაც, ისრაელის ხელისუფლების ბოლო მონაცემებით, 1 200-ზე მეტი ადამიანი ემსხვერპლა. ამასთან, „ჰამასის“ მებრძოლებმა მძევლად აიყვანეს და ღაზის სექტორის ტერიტორიაზე გადაიყვანეს 200-ზე მეტი ადამიანი.