ბორჯომის მუნიციპალიტეტში, დაბა წაღვერის პარკს რეაბილიტაცია ჩაუტარდება. პროექტი ადგილობრივი და სახელმწიფო ბიუჯეტიდან ფინანსდება. პარკი 10 500 კვ.მ. ფართობზე გაშენდება. აღნიშნულის შესახებ ინფორმაციას ბორჯომის მერია ავრცელებს.

როგორც ინფორმაციაშია აღნიშნული, პროექტის მიხედვით, პარკში დაგეგმილია ბავშვთა გასართობი სივრცის, მოსასვენებელი სივრცეების, კაფეს და სხვა კომერციული ობიექტებისთვის შენობის მოწყობა.

„პარკში განთავსდება ფანჩატურები, საცოცი კედელი, ხიდები, წყლის არხი და სხვა საჭირო ინფრასტრუქტურა. ასევე მოეწყობა ფოტოგადაღების ჯიხური „ფოტო ხაჩიკა“ და მისი მონუმენტი. კომპანიამ სამუშაოები 2024 წლის 1 მაისს უნდა დაიწყოს და წლის ბოლომდე დაასრულოს“, - ნათქვამია ინფორმაციაში.