ამ სამთავრობო ცვლილებებით არსებითად არაფერი იცვლება, - ასე აფასებს „გირჩი - მეტი თავისუფლების“ ლიდერი ზურაბ ჯაფარიძე სამთავრობო ცვლილებებს ჟურნალისტებთან საუბრისას.

მისი თქმით, ქვეყნის მთავარი პრობლემა ერთპიროვნული მმართველობაა.

„ყველასთვის გასაგებია, მათ შორის იმ ხალხისთვის, ვინც ბოდავდა მთელი უკანასკნელი წლების განმავლობაში, რომ ვითომ ივანიშვილი რას აკეთებდა ვერ წარმოედგინა, სინამდვილეში ყველაფერს ეს კაცი მართავს. მისი დავალებები უნდა შეასრულონ და ახლა, ერთი ირაკლი აქეთ იქნება, მეორე ირაკლი იქეთ იქნება, რაღაცას გადაანაცვლებს თუ რას გააკეთებს, ეს ხომ რეალურად არაფერს ცვლის. პრობლემა იმაშია, რომ ერთი კაცის ერთპიროვნული მმართველობაა და ეს უამრავ პრობლემას ქმნის ქვეყნისთვის, მათ შორის ეკონომიკური თვალსაზრისით. ეს არის ამ ქვეყნისთვის მთავარი ბარიერი ევროატლანტიკური ინტეგრაციის გზაზე, ამას გასაგებად, დამარცვლით გვეუბნებიან ევროპიდან, ნატო-დანაც და ყველა საერთაშორისო ინსტიტუტიდან", - განაცხადა ზურაბ ჯაფარიძემ.