ენტონი ბლინკენი ისრაელს ეწვევა

აშშ-ის სახელმწიფო მდივანი ენტონი ბლინკენი ისრაელს 4 თებერვალს ეწვევა. ამის შესახებ ინფორმაციას გამოცემა The Times of Israel-ი ბაიდენის ადმინისტრაციის მაღალჩინოსანზე დაყრდნობით ავრცელებს.

გამოცემის ცნობით, ბლინკენის ვიზიტის შესახებ ინფორმაცია ისრაელის მედიაში კვირის დასაწყისში გავრცელდა, თუმცა მხოლოდ ახლა მოხდა აშშ-ის მხრიდან მისი დადასტურება.

წყაროს ინფორმაციით, ბლინკენის ვიზიტი ფოკუსირებული იქნება ისრაელსა და „ჰამასს“ შორის მძევლების გათავისუფლების შესახებ შეთანხმებაზე, ღაზაში ჰუმანიტარული დახმარების გაფართოებასა და პრემიერ-მინისტრ ბენიამინ ნეთანიაჰუზე აშშ-ის მხრიდან დამატებით ზეწოლაზე ომის შემდეგ ღაზას მმართველობის თემასთან დაკავშირებით.