ერაყსა და სირიაზე აშშ-ის დარტყმები არის შეერთებული შტატების მცდელობა, გააუმჯობესოს ჯო ბაიდენის ადმინისტრაციის წარუმატებელი იმიჯი საპრეზიდენტო არჩევნებამდე, - ამის შესახებ გაერო-ში რუსეთის მუდმივმა წარმომადგენელმა, ვასილი ნებენზიამ გაერო-ს უშიშროების საბჭოს სხდომაზე განაცხადა.

მისი თქმით, 2003 წლის შემდეგ ახლო აღმოსავლეთში ამერიკის უდიდეს საჰაერო ოპერაციას გამართლება არ აქვს.

”ჩვენ ვხედავთ კუნთების თამაშის ამ მცდელობას, უპირველეს ყოვლისა, ამერიკის შიდა პოლიტიკურ ვითარებაზე გავლენის მოხდენის სურვილს, სურვილს როგორმე გამოსწორდეს ამჟამინდელი ამერიკული ადმინისტრაციის წარუმატებელი იმიჯი საერთაშორისო არენაზე, საპრეზიდენტო საარჩევნო კამპანიის ფონზე“, - განაცხადა ნებენზიამ.

მისი თქმით, აშშ-ის მიზანს ახლო აღმოსავლეთის უდიდესი ქვეყნების რეგიონულ კონფლიქტში ჩათრევა წარმოადგენს.

”ერაყსა და სირიაში, მათი განცხადებით პროირანული დაჯგუფებების ობიექტებზე, თითქმის პაუზის გარეშე თავდასხმების განხორციელებით, შეერთებული შტატები ცდილობს, მიზანმიმართულად ჩაითრიოს ახლო აღმოსავლეთის უდიდესი ქვეყნები რეგიონულ კონფლიქტში,” - აღნიშნა ვასილი ნებენზიამ.