რუსეთის საჰაერო თავდაცვის ძალებმა ღამით ბელგოროდის ოლქის ცაზე 7 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„ღამით აღიკვეთა კიევის რეჟიმის მცდელობა განეხორციელებინა ტერორისტული თავდასხმა 7 უპილოტო საფრენი აპარატის გამოყენებით რუსეთის ფედერაციის ტერიტორიაზე განთავსებული სამიზნეების წინააღმდეგ“, - ნათქვამია უწყების განცხადებაში.

მანამდე, ბელგოროდის გუბერნატორმა, ვიაჩესლავ გლადკოვმა გაავრცელა ინფორმაცია, რომ ქალაქ გუბკინში უკრაინული დრონი ჩამოაგდეს, რის შედეგადაც 4 კერძო სახლი დაზიანდა, თუმცა არავინ დაშავებულა.