ყაზახეთის მმართველმა პარტიამ პრემიერ-მინისტრობის კანდიდატად პრეზიდენტის ადმინისტრაციის ხელმძღვანელი წარადგინა, - ამის შესახებ ინფორმაციას ყაზახეთის პრეზიდენტის ადმინისტრაცია ავრცელებს.
ყაზახეთის პრეზიდენტის ადმინისტრაციის ცნობით, მმართველმა პარტიამ „ამანათმა“, პრემიერ-მინისტრობის კანდიდატად პრეზიდენტის ადმინისტრაციის ხელმძღვანელი, ოლჟას ბექტენოვი მას შემდეგ წარადგინა, რაც გუშინ, ყაზახეთის მთავრობა გადადგა.
მთავრობის გადადგომის შემდეგ ყაზახეთის პრეზიდენტმა, ყასიმ-ჟომარტ ტოკაევმა პრემიერ-მინისტრის მოვალეობის დროებით შემსრულებლად ვიცე-პრემიერი, რომან სკლიარი დაასახელა.
ბექტენოვის კანდიდატურას ყაზახეთის პარლამენტი, დღეს პლენარულ სხდომაზე განიხილავს, რომელსაც ქვეყნის პრეზიდენტი, ყასიმ-ჟომარტ ტოკაევიც დაესწრება. 43 წლის ოლჟას ბექტენოვი ყაზახეთის პრეზიდენტის ადმინისტრაციას 2023 წლის აპრილიდან ხელმძღვანელობს.
