ვოლოდიმირ ზელენსკი გერმანიას ეწვევა და მიუნხენის უსაფრთხოების კონფერენციაში მიიღებს მონაწილეობას, - ამის შესახებ ინფორმაციას გერმანული გამოცემა, Tagesspiegel-ი ავრცელებს.

Tagesspiegel-ის ცნობით, უკრაინის პრეზიდენტი მიუნხენის უსაფრთხოების კონფერენციაზე დასწრებას გეგმავს, რომელიც 16-18 თებერვალს გაიმართება.

უსაფრთხოების მიზნით, ვოლოდიმირ ზელენსკის გერმანიაში ვიზიტის დეტალები და ზუსტი განრიგი ჯერჯერობით გასაიდუმლოებულია.

მიუნხენის უსაფრთხოების კონფერენციის თავმჯდომარემ, კრისტოფ ჰეუსგენმა ზელენსკის კონფერენციაში მონაწილეობა არ დაადასტურა, თუმცა აღნიშნა, რომ უკრაინის პრეზიდენტს მოწვევა გაუგზავნა.